albertlam 2005-10-21 19:35
(必睇,對白超底死)各位星座男點睇「長相廝守」？
各位星座男點睇「長相廝守」？
白羊男：「梗係會啦！男人大丈夫最緊要就係負責任！你揀得個女人就梗係要照顧佢一生一世！」
解說：出於白羊男的大男人心態，佢係好樂意照顧老婆仔女，但係冇話佢出面冇其他女人喎！
金牛男：「長相廝守？一定啦！唔係做乜結婚呀！結得婚就梗係要白頭到老啦！咁都要問！」
解說：佢係好信長相廝守呢套，就算大家關係變得唔再浪漫，佢都會遵守規則，不過佢肯結婚先講。
雙子男：「聽落都幾神奇喎！諗都未諗過，更加未試過，好似都幾好玩呀！當然要睇下同邊個啦！」
解說：出晒名貪新忘舊，但係又唔係冇可能喎！只要令到佢覺得同你一齊仲好玩過去狄士尼就得啦！
巨蟹男：「一對夫妻結得婚就梗係要長相廝守啦！唔係Ｄ仔女邊有人理，頭家邊度完整！」
解說：巨蟹男係最最最典型住家男人，所以響佢眼中一個完整的家庭組合係好重要，佢會努力守！
獅子男：「點止長相廝守呀？直頭要佢快樂到死啦！嫁得畀我我就梗係要佢最幸福最令人羡慕！」
解說：最鍾意show off的獅子男真係會竭盡所能響大家面前令到佢老婆幸福，所以冇必要佢唔會離婚。
處女男：「梗係長相廝守啦！唔係邊個同我執屋呀！邊個煮飯我食呀！邊個幫我洗衫呀！」
解說：處女男其實係幾難相處，而且婚後婚前兩副樣，所以難得搵到個人肯就佢，佢梗係唔會諗分開啦！
天秤男：「應該，婚姻制度就係為保障一對男女的關係直到生命盡頭嘛！唔守約於理不合喎！」
解說：天秤男衷心覺得應該長相廝守，不過當身邊有其他引誘出現時，佢又未必真係把持不定……
天蠍男：「長相廝守？要∼！只要我一日仍然深愛呢個女人，我就梗係想佢永永遠遠留響我身邊。」
解說：天蠍男同樣係會信守承諾，不過佢會視老婆為一個角色，對方唔好好飾演，小心畀佢叮走！
人馬座：「哇！都好！老來有個伴一齊去跳下舞行下山，聽落都唔錯喎好似！」
解說：一般人馬男都好少會咁快死響一段婚姻度，不過一旦肯結婚，其實佢又會係個唔錯的老公。
山羊男：「成功男士背後梗係要有個女人，唔係可能會畀人響背後亂傳，總之叫做有個人咁囉！」
解說：山羊男覺得結婚係應該，至於講到會唔會長相廝守就完全唔係佢考慮的因素，不過普遍都會。
水瓶男：「可以的話就梗係想長相廝守啦！但係感情事好難講得埋，係時候分開都要分開。」
解說：響水瓶男心目中長唔長就真係見步行步，當一旦發現有問題佢絕對唔會勉強落去。
雙魚男：「嗯嗯！當然要守護對方一生一世啦！我幾難先搵到一生至愛呀！真係呀！」
解說：唔好太過浪漫化，其實佢心裡面真正諗法係咁麻煩先搵到個適合自己，梗係要keep住一生一世啦！
YIU720 2005-10-23 11:41
巨蟹男：「一對夫妻結得婚就梗係要長相廝守啦！唔係Ｄ仔女邊有人理，頭家邊度完整！」
解說：巨蟹男係最最最典型住家男人，所以響佢眼中一個完整的家庭組合係好重要，佢會努力守！
住家男人~:14: