查看完整版本: [轉帖] 鬼上身

[轉帖] 鬼上身

[color=#006dff]呢件事１００％真實　因為係我經歷過既事

這件事，是我呀姨的經歷　但是我也親眼看過．．

係上年重陽節，我同呀姨　表弟同呀哥去拜山，去到果時，表弟無啦啦嗌好急

咁我呀哥就帶佢去洗手間，去完之後出返泥，呀哥唔知表弟去左邊

就四圍咁搵佢，之後俾呀姨見到佢

呀姨就好大聲咁嗌：叫左你唔好亂走傢啦，快ｄ跟住我呀！！（←重點）

拜完山之後呀姨同表弟去左飲（我都唔明點解有人係重陽節結婚，佢白痴傢？）

返左屋企之後，表弟唔知點解訓極都極唔著，呀姨問佢咩事，

佢就話：表哥（姐係我呀哥）好嘈呀．．嘈到我訓唔到呀，叫佢靜ｄ啦．．

呀姨：吓．．希哥哥都唔係度．．

表弟：佢係度，我見到佢頭先閃左入門果度呀．．．

呀姨：．．．！！！

呀姨聽到之後即刻叫佢快ｄ訓，唔好亂唸野，但係佢都好擔心佢見到ｄ野，

所以佢就打左電話俾我地，係我聽電話既．．對話如下

呀姨：喂，儀呀？

我：咩事．．好夜喇喎．．

呀姨：呀希呢？去左邊呀？

我：呀哥係度玩緊電腦．．

呀姨：你呀哥有無撞過鬼？

我：吓．．．梗係無啦．．．咩事呀？（果時我已經知到有ｄ問題）

呀姨：無，無．．無野喇．．係係．．係咁先喇．．．

聽到呀姨ｄ語氣，我知佢有ｄ事，所以第２日，我就去左搵呀姨．．

我去到呀姨屋企果時，我見到佢好似好無精神咁．．

表弟仲病左添，我唸一定係琴日發生左ｄ事，所以我一直追問呀姨

呀姨終於講左琴晚件事出泥，但係其實唔指表弟有事，

呀姨成晚都訓唔著，因為佢「俾鬼壓」．．

我聽完之後，望著呀姨，不久之後電話就響起，我見到呀姨好似無乜精神

就替佢去聽電話，聽到之後發覺係呀姨既朋友，我記得佢呢個朋友識趕鬼ｄ人

所以我就要求佢幫呀姨，就算呀姨唔係俾鬼纏，知道左之後都心安理得ｄ．．

到左星期６，我同呀姨上左果個趕鬼人既屋企，我記得開門果個係佢２個弟子，

個大師一見到呀姨就問佢

大師：你係咪去過拜山？

呀姨：．．．．．嗯

大師：你有無亂講過ｄ咩野？

呀姨：吓，無呀．．．

大師：例如好似：跟住我呀．．果ｄ．．

呀姨：．．丫！我好似叫過我個仔唔好亂走，要跟住我．．

大師：唔．．應該係咁喇．．

呀姨：點呀？

大師：你放心啦，隻鬼係貪玩先跟住你姐．．

呀姨：咁點呀？

大師：我家陣幫你趕走佢，不過你可能會俾鬼上身．．

我：呀姨．．洗唔洗我陪你？

呀姨：唔好啦，你仲細，我唔想嚇親你．．

大師：唔係喎，俾佢留低啦，有個人陪你好ｄ．．

之後大師就開始作法（詳細既我唔係好記得）

過左一陣．．無啦啦呀姨好似變左第２個人咁，

大師２個弟子即刻拉開我，同我講：小心ｄ．．退後幾步，快ｄ呀！！

果時我呆左，因為我見到呀姨好似變左好細個ｄ細路女，佢好大聲咁喊，就大叫，

果時我淨係聽到佢係咁講同一句野：唔好收我呀，唔好收我呀．．．

我好驚，我差ｄ暈低，好彩佢２個弟子扶住我．．

過左一陣，呀姨無喊，無大叫，好靜咁坐左係度，

再過多一陣，大師就話：作法完喇！

我好慢咁行過呀姨身邊，我問佢知唔知發生咩事

呀姨竟然答我：咩事呀？隻鬼走左未呀？發生咩事呀？點解你面色好似唔係咁好咁既？

我驚訝呀姨竟然唔知自己俾鬼上身，大師亦叫我唔好話佢知

結果，我返左屋企之後，２個星期都失眠．．．

我亦估唔到最驚果個竟然係我！！！[/color]

係唔係真係sandy 你親身經歷ga....
好恐怖唧

好彩無事:22:

[color=#009aff]當然唔係我啦~~
雖然曾幾何時我都做過相同o既白痴o野，
但o的篇只是轉貼~~~ :14:[/color]