lg3011e 2005-2-24 23:47
請珍惜關心你的人
請珍惜關心你的人
有一個天生活潑開朗o既女仔係一次偶然o既機會裏面識到一個好鐘意靜同有小小自閉o既男仔.
起初佢o地o係ICQ度都幾好傾,但係佢o地傾o左幾個月之後個男仔就開始覺得個女仔好煩,而個女仔係ICQ到sendmessage比佢o個時因為為o左唔好再自招麻煩就決定求祈答佢就算甚至唔理佢………….
個女仔sendo左好多個message比佢佢都唔理,就算個男仔理但係佢都好求祈咁答.個女仔好傷心,但係o係呢個時候,個女仔竟然鐘意o左個男仔. 雖然個男仔每次o既回覆都係好唔滿意咁覆佢,但係個女仔真係好鐘意佢,關心佢,就算佢明知個男仔唔鐘意佢,佢都成日去問佢點…………
但係個男仔始終都冇采個女仔,個女仔日日咁等佢,佢好希望個男仔可以采返佢,最終個男仔都冇.個女仔因為太鐘意佢o既關係,為o左佢開心,決定唔再開ICQ,連e-mail都改晒,希望可以忘記佢.
係呢個女仔再冇online其間,個男仔覺得好奇怪,點解成日煩住自己o個個人消失o左咁多日o既,到o左一個禮拜之後,個男仔就開始掛住個女仔,到最尾發現o左自己鐘意o左個女仔,但係好遲,佢已經搵唔返個女仔………….
其實講o左咁耐都係想講要珍惜身邊愛你,關心你o既人,人o地關心你你就嫌人煩住你,但係其實人o地係關心你!