mummy 2005-1-6 01:46
100% 真 人 真 事
~轉 貼~
上個星期的某一日,我姑姐在9:00am到達上海商x銀行的馬鞍山分行準備存款,當佢排隊的時候已經反覆計算過佢想存入銀行的六千蚊紙幣,然後佢將紙夾入銀行薄中間,當佢到其中的一個counter,佢就將銀行薄同錢一齊交給櫃台的男職員。
當時我姑姐見到個櫃台有一些亂,只見男職員收到銀行薄之後就將銀行薄同夾在面的錢隨便推散在檯面上,再取出一張紙出來寫,跟住又好似寫錯咁將張紙拿埋一舊拋落檯底。
當時我姑姐仲未知道發生乜事,個男職員做完之前一連串動作之後,就將散落在我姑姐面前的一千蚊紙幣單獨一張張咁分開放在檯面,之後就同我姑姐講:「師奶,妳存幾錢？」我姑姐話:「六千蚊。」個男職員就話:「師奶, 妳睇得五千蚊咋喎。」
我姑姐就話: 「明明六千架,點會五千呀？」
就咁就擾攘起來,後來有個經理同另一個職員都走過來一齊搵,但在檯面搵完哂都無.我姑姐就死都話係六千,個男職員就死都話無,於是兩個人就僵持住,
後來個男職員竟然同我姑姐講:「師奶,不如入住五千先啦,好唔好？」
我姑姐就話:「明明係俾左六千,點可以入住五千先呀？」
咁我姑姐就死都唔肯走企係果度,後來我姑姐突然記得個男職員開頭拋左D野落檯底,
就即刻問個男職員:「頭先你掉落檯底果D乜來架？」
當時我姑姐見個男職員開始膽怯,就繼續追問,咁就引起左先前來幫手搵錢紙個經理的注意. 跟住奇怪的事情就發生,只見個男職員迫於無奈咁係檯底拾返頭先掉落檯的垃圾出來,出奇的一千蚊竟然在入面。
唔使講大家都知係乜事啦。後來我姑姐當然可以順利咁存入六千蚊,但我就要奉勸大家,以後如果去銀行存現金就要小心啦,原來在銀行存錢都可以唔見錢。
Ottomatic 2005-1-16 23:43
嘩！真係猖狂！